Kerala-i relief funds atema lottery balaka asayatsü

Thiruvananthapuram, Luroi (August) 24 (Agencies): Kerala nung Chief Minister’s Distress Relief Fund (CMDRF)-i relief funds bendentsü atema lottery balala asayatsü osang metetdaktsüogo.
Kerala finance minister Thomas Issac-i tanü iba osang metetdaktsüdang, ticket ka indang jenjangji sen 250 asütsü aser October 3 nü asayatsü. Iba nungi aruba sen ajak CMDRF nem agütsütsü.
“Iba lottery dang ‘Ashwas’ ta ajatsü aser series shia mezüng jenjang angur nen sen lak 1 agütsütsü aser ticket 108,000 nem sen 5,000 agütsütsü” ta paisa ashi.
“Iba lottery balaka ya sen crore 100 bendentsü alizüng yur inyaker. Ticket ajak yoktetra, state sorkari sen teindoktsü ajak endokba sülen sen crore 100 ji ajangzüktsü” ta osang ka ajanga ashi.
Taküm May 29 nungi Kerala nung tzünglu arutsü tenzükba sülen tzümetsüng lendong balala nung nisung 370 jungnüa süogo aser nisung lakh 1 dak tema relief camps balala nung jenoka lir.