Kerala nung Music museum ka lapoktsü akok

January 03, 2016: Tebilemba ama mapa takok angu nungbo Kerala music museum ka lapoktsü aser iba nungji ken tejen aser ken mejemertemi yangluba kentem ayutsü.
Sobaliba tentet, ‘Swaralaya’-i acha ayanga iba museum ya lapoktsü, ta CPI-M nung lenir tejen aser Swaralaya telok nung kanga nendaka inyaker, M.A. Baby-i osangbenertem dang Deobarnü ashi.
Iba ya lapoktsü asoshi museum nung nüngdakba osettem bushitsü tenzükogo, ta paisa ashi.
“Asenoki otsü mesüra ken mejemba züngdanga bendena mayur. Kentener Yesudas-i tang tashi nung pai ken kwi tenerar memetet. Anungji onoki L.P.records, ken tejen aser ken kakettem bendentsü asoshi maparen kar tenzükogo,” ta paisa ashi.
Osangbener tejen aser Swaralaya nung inyaker, R.S. Babu-i, item telemtetba ya Deobarnü senden ka amendang lemteta ayu, ta ashi.