Kerala nung Youth Cong-i Smriti Irani dang wako tanak sayu

Thiruvananthapuram (Kerala), August 08 (Agencies): External Affairs Minister Sushma Swaraj ken o nung Union HRD Minister Smriti Irani-i Congress aija jembiba sülen anogo ka lir tanü Kerala yimtiba, Thiruvananthapuram nung aliba airport nung Youth Congress nung inyakertemi la dang wako tanak sayuogo.
Police-i ashiba agi, Minister Irani sentong ka nung adentsü asoshi aruba mapang la dang wako tanak ayipshia sayuba aser la lenmang mokdangtsü merangba atema Youth Congress nung inyaker züngsem trok puogo.
Smriti-i Congress Tir Sonia anema jembiba anema lungkak aita Youth Congress züngsemtem jagisa la dang “meyipa oadokang” ta yimyim ayima liasü, ta police-i ashi.
Sonia-i, Swaraj ji jilushi aitsü nung mongin ta aija jembiba dak sentakba nung Irani-i, Congress Tir-i Parliament ji jilushi aiba tesem ka ta ashir asü (?), ta aija liasü.