Kerala nungi ISIS züngsem ka Delhi nung apu

New Delhi, July 12 (Agencies): ISIS züngsem südi ta melung melemi aliba nisung ka Delhi nung aliba IGI Airport nung puogo.
Paji tamalen Turkey linük nungi anaben tashi anir aru. Tanü Delhi Police Special cell-i pa apudang pa ket nung taila passport ka bena liasü.
US intelligence agency CIA-i osang ka agütsüba nung ajemdaker Delhi Police Special Cell-i Kerala, Kannur nungi arishi küm 32, Shahjahan Velluva ji apu.
Taküm February ita nunga Velluva ya Turkey nungi anir arua liasü, aser iba sülen pai ano maitsü tasen nung taila passport ka yanglua liasü, ta ketdangser kati metetdaktsü.
Islamic State züngsem sangji Turkey nungi Syria-i miima aruba sülen IS telok nung adentsü sentong liasü.