Shillong, Tsüklai 12 (Agencies): Kerala nungi Khristan lennirtemi Meghalaya nung nüboyimtsü atema sentong renemogo. Tsüklai 27, 2018 nü züngsem 60 agi akümba Meghalaya state assembly indang election agitsü.
Kerala nungi lennirtemi Khristan tamanger teimba ser aliba state nung nübo ayimtsü atema mapa lemzüktsü.
Lennirtem rongnung taoba mapang Congress chief minister Oommen Chandy, KC Joseph, Lok Sabha züngsem Anto Antony aser MLA Dominic Presentation nungertem dena lir.
Lennirtemji Congress party high command-i Meghalaya state nung mapa lemzüktsü.
Tang Meghalaya Assembly nung Congress MLA 29 lir.
Külen, Bharatiya Janata Party (BJP) atema Minister Of State for Tourism, KJ Alphons-i anir Meghalaya nung mapa inyaker.
Ano, Nationalist Congress Party (NCP)-ia taoba state minister Thomas Chandy aser party lennir Mani C Kappen na nüboyimtsü atema yokang ta Kerala unit dang asüngdangogo.
Kerala nungi Khristan lennirtemi Meghalaya nung nübo yimtsütsü added by nungsang on
View all posts by nungsang →
You must be logged in to post a comment Login