Kerala, Vijaya Bank nungi sen crore 4 alang sen aser hon auya

Trivandrum, September 28 (Agencies): Kerala, Kasargode district kübok Cheruvathoor jila nung aliba Vijaya Bank branch nungi sen lakh asem den hon dena ajak senteper sen crore pezü shi alang auyar ao.

Iba auyaba nung takoksa aluba osang tejangja police-i bushidar. Iba bank ya ki atongtepa asüba mezüng storey nung lir aser iba küpok aliba ground floor ji tang tesüdak lir.

Kasargode nung aliba co-operative bank nunga September 7 nü auya aser iba dak sentakba nung nisung trok pua lir.

Vijaya Bank branch ya anogo asemnü, Hokolbar, Honibar aser Deobar shibanger liasü iba tsüngda nung aurtemi ground floor nungi 1st floor tashi tua tapok perpoka auyar liasü.

Bank nung süngden asem kanga akhanga shibanger aliba nungi ana kakpoa auyar liasü. Iba auyaba ya Hombar nü bank lapokdanga metet.

Iba auyaba mapa ya bank anasa aliri yaria tanga tesem nungi arua inyak asütsü, ta mulung melemi bilemer.