Kerber o Cibulkova na WTA Finals semifinal-i iogo

Singapore, October 27 (Agencies): Germany tsür, Angelique Kerber-i America tsür, Madison Keys madak takok ngua, tang tasayadak WTA Finals semifinal asayatsü jenjang tanü, Brehostibar nü ajangzükogo.
Tetsür World No. 1, Kerber-i tanü points 6-3 6-3 ngua, Keys madak takok angu.
Kerber sülen anidaka, Slovakia tsür, Dominika Cibulkova-ia points 6-3 7-6 (7-5) agi Romania tsür, Simona Halep tsükdakja, tan asayamong semifinal asayatsü jenjang ngua liasü.
Kerber-i defending champion, Agnieszka Radwanska mesüra US Open finalist, Karolina Pliskova na rong nung ka den semifinal asayatsü aser Cibulkova-i Russia tsür, Svetlana Kuznetsova den semifinal asayatsü lemzükogo.