Kerela tzü metsüng atema Air India Pilot temi angati ayimtsü

New Delhi, Luroi/August 19 (Agencies): Tanü Amungnü/Sunday Indian Commercial Pilots’ Association (ICPA)-i Kerela nung tzü metsüng agi raksatsür aliba tesemtem tonga oa mulungsoa teyari agütsütsü atema Ato Kilonser Narendra Modi, dangi tezüluba ka agütsü.
“Voluntary basis nung ita sen medeni onoki tayimtsü anitsü mulunga lir. Iba amala tensa ka nung onoki teyari agütsütsüji maongka tajung ka ama bilemer ,” ta shidi nung ICPA-i zülutsü.
“Sir, iba tesem nung lendong süngjema akümba sülen Air India aser Air Indians indang ken o bentettsütsü atema nü dak temulung lema atar,” ta shidi nungsa zülusemtsü.
Pilot temi parnok indang tangutsü aliba flying allowance tem magütsü nungbo operation anentsü atema amokmerenba sülen anogo ka lir iba tetet yagi Ato Kilonser dangi shidi zülu. ” Airbus 320 nung ICPA pilot aser Air India nungi Boeing 787 tayimtsü temi OPERATION MADAD & OPERATION SAHYOG inyaktsü mulungteogo. Kerela nung asen külem sensotem timtem tushi aliba yaritsü atema onoki sorkar aser PMO pusemtsü,” ta shidi nung züluja liasü.