Keretsu Dimapur Wrestling champion kümogo

Dzieselatou Keretsu (Achijilen)-i final asaya akokba sülen Dimapur nung tan mezüngsüa ayongba Dimapur wrestling tournament champion tanü, Bodbar nü akümba noksa nung angur. (Dimapur, March 23)

Dimapur, March 23 (TYO): Dzieselatou Keretsu-i temaba jenjang ngua Dimapur nung tan mezüngsüa ayongba Dimapur wrestling tournament champion tanü, Bodbar nü kümogo.
Dimapur District Wrestling Association (DDWA)-i ayonga Dimapur kübok DDSC stadium nung iba asayamong ya agia liasü.
Keretsu-i Dojolhu Shijoh final asaya nung tsükdakja champion akümba sülen senpet sen 60,000 agizük.
Tanabuba jenjang angusang, Shijoh aser tasembuba jenjang ajangzüker, Pfusato Tetseo na nema senpet sen agütsüba osang jangjaogo.
Tan asayamong nung Dimapur aser temeket tesemtem nungi melangteper nisung 50 dak temai shilem agia liasü.
Asayamong lapokba sentong nung Nagaland MLA, Zaleo Rio tongti tesemdanger aser Dimapur Deputy Commissioner, Kesonyu Yhome (IAS) tetushi tesemdanger liasü.