Keretsü-i 58buba NASA wrestling championship akok

Kohima, January 27 (Agencies): Kohima Local Ground nung 58buba Northern Angami Sports Association (NASA) Wrestling Championship asayaba nung Keretsü adianu-i takok marok temaba ana agizüka otsü yangluogo.
Tena rongnung tanubusang, Dzieselatu Keretsü-i mezüngbuba jenjang aser tambusang Sedevizo Keretsü-i tanabuba jenjang ngutet. Tena ya Kohima village nungi lir. Dihoma yimtsüng nungi, Zasituo Tsükrü-i tasembuba jenjang aser Kohima village nungi, Keneikhrielie Yhome-i pezübuba jenjang ngutet.
2017 February 18 nungi tenzüktsü aliba Angami Sports Association (ASA) nung shilem agitsü asoshi NASA nungi nisung 14 shimtetba osang metetdaktsüogo.