Ket aser MC Menace nati “Bullied” ken saya

Dimapur, Aami/June 28, 2019 (TYO): Ket aser MC Menace na longjemer “Bullied” ta nüngja agütsüba ken tasen ka tawa sayaogo. Tenati atenba ken ‘Bullied’ ya Nagaland ajunga nung talisa lanurtem aser tanurtem kanga sapua angdar.
Iba ken angar timbaka ken ajanga jembiba tem nung ajemdaker, tim mesui benshiba, merenshiba, tashiyim amshiba madak takok ngur taküm nung tajung dak rangloker tejakleni aotsü asoshi lemsatepogo.
Iba ken nungsa, tim mesüi benshibatem, merenshiba mesüra tashiyim amshiba ajanga teraksa tulu adoktsü aliba indang shia lir.
Ket, shiba Kohima nungi lir, pai iba track atema music produce süa liasü.
“Bullied” ken anganertemi – https://youtu.be/LPiuLHOB0fI link ajanga reprangtetsü.