Ketdangsertemi Old Minister hill nung tzü pipe agientsüogo

Kohima, Luroi/August 04 (TYO): Tanü Kohima District Administration den külemi Police, EE (PHE), EE (PWD) South, Old Minister Hill Panchayat-i T. Khel Youth Organisation, Kohima Village lia Old Minister Hill nung KMC Chau Parking aser Jail Colony junction na tsüngda kilentzü aser culvert nokdanga aliba tzü pipe agientsüogo, ta ketdangsertem osang ka ajanga metetdaktsü.
Kohima Additional Deputy Commissioner, Lithrongla Tongpi Rutsa-i, Chiteni/July 27, 2018 nü sangdong ka ajanga tzü pipe kiburtem dang anogo tenetnü tsüngda kilentzü aodak aliba tzü pipe line agientsü atema metetdakja liasü, aser tang anogo tenet ji abensar item tzü pipe agientsür, ta metetdaktsü.
ADC-isa T. Khel Council, T. Khel Youth Organisation aser Old Minister Hill nung Panchayat-i nüburtem kümzüka alitsü atema iba maparen nung amalitepa yariba atema pelar, ta metetdaktsü.