Kevechutso Doulo-i NEPED Chairman mapa agizükogo

Dimapur, Chiteni/July 2 (TYO): Chiteni/July 02, 2018 anogo Kevechutso Doulo-i NEPED (Nagaland Empowerment Protection and Economic Development) Chairman mapa Kohima nung agizükogo. Iba menden melenba sentong ya NEPED Team leader, Menokhul John, commissioner & Secretary-i ketdangsüa agi.
Iba sentong nung jembiba mapang, Kevechutso Doulo-i Nagaland Chief Minister Neiphu Rio, Dy. CM, Y. Patton aser party dang pelaba lemsatep.
State nung yimjung aser terenlok aginüa aliba mapang ka state nung nükla aketba lennisür Chief Minister aser India Ato Kilonser kübok Nagaland nung temelenshi aser terenlok arutsü amanger, ta pai ashi.
Paisa NEPED nung staff tem dang maneni Team ka ama külemi inyaka state nung tesem tezülen aser talisa tetsürtem jenjang renlokdaktsütsü asoshi ajungshi.
Kasa sentong nung Team leader, Menokhul John-ia Chairman tasenba dang state nung NEPED-i inyakba mapa aser osangtem agüja liasü. Iba sentong nung BJP lennirtem aser department nungi ketdangsürtem arua aden.