Kevijau mepusangeri election timi agitsü lemtet

Dimapur, July 03 (TYO) : Dimapur nung Kevijau colony nung alir nübortem June 30, 2017 nü to lokti senden ka lia ‘Clean Election’ sentong takok ngua agitsü asoshi telemtetba agia liasü.
Iba senden nung Kevijau mepu nung alirtem ajaki election timi agitsü asoshi tawa NBCC aser Political party-tem na tsüngda renemba tangatettep onüktem nung nungita yariteptsü ta lemtet. Iba senden nung Clean Election onük nung Rev.Kilang Jamiri jembia liasü.