Kevilekho-i Nagaland State Chess Challenger akok

May 26, 2017 nü Red Cross Conference Hall nung NCA ketdangsertem den 16 buba Nagaland State Chess Challenger nung takokertem külemi agiba noksa angur.

Kohima, May 26 (TYO): 16buba Nagaland State Chess Challenger indang open category nung Kevilekho-i takok angu.
Red Cross Conference hall, Kohima nung tanü final asayaba nung pai progressive points 40 ngua Khrielie Sano madak takok angu.
Mezüng jenjang nguteter nem sempet sen 15,000 den trophy aser kulikaket agütsü aser tanabuba jenjang nguteter Khrielie Sano nem sempet sen 10,000 den trophy aser kulikaket agütsü.
Tasembuba jenjang nung Mughaho Awomi nem sempet sen 7,000 den trophy aser kulikaket agütsü aser pezübuba jenjang nguteter, Sede Nagi nem sempet sen 5,000 den trophy aser kulikaket agütsü. Viseyie Yano, Melesai Dahuo, Pikuto Chishi, Nikehiezo Zinyu, Thepfuchalie Mere aser Ropfuovilie Nagi nunger temi jenjang 5, 6, 7, 8, 9 aser 10buba tongtet aser parnok ajak nem sempet sen 1000 den kulikaket agütsü.
16buba Nagaland State Chess Challenger nung temaba jenjang pezü nguteter tem-i state tenüng nung 54buba National Chess Challenger 2017, August 3 nungi 23 tashi Gujarat nung shilem agitsü.
Under-17 category nung Kendriya Vidyalaya Khakhuti Dimapur nungi Sourav Singh-i mezüng jenjang ngutet aser pa nem sempet sen 5,000 den trophy aser kulikaket agütsü. Mezhür Higher Secondary School Kohima nungi Nipeto Hesso tanabuba jenjang ngutet aser pa nem sempet sen 3,000 den kulikaket agütsü.
Coraggio School Kohima nungi Shenikali Hesso-i tasembuba jenjang, Mount Sinai HSS Kohima nungi Suliki Awomi pezübuba jenjang aser Coraggio School Kohima nungi Pulonito Hesso-i pongububa jenjang ngutet. Parnok nem sempet sen 2,000 aser 1000 agütsü.
Nagaland Chess Association nung ketdangpur tasen shimba yamai alitsü; tir, P. Khezhie, tatong tir, Sukhavi Achumi, honorary secretary – Hekugha Yepthomi, Melasayi Dawhuo aser Mughaho Awomi ya joint secretary. Ruopfuvilie Nagi ya NCA kimen asütsü.