KFC-i Nagaland nung mezüngbuba store lapoker

Kohima, October 30 (TYO): Alima nung nisung aikati sapuba chicken restaurant- KFC Kohima nunga lapokogo.
KFC restaurant ji Kohima nung Keziekie Mini Bus Stop anasa lir aser iba nung KFC Hot & Crispy Chicken, Smoky Grilled Chicken, Chicken Zinger burger aser KFC 5-in-1 Meal Box tem angutsü. Iba restaurant nungsa sen 49 nungi tenzüker chicken burgers angutsü.
“Onoki Nagaland nung mezüngbuba store lapokba tepela osang metetdaktsür. Iba store lapokba ajanga onoki consumers den tali anasatepa akümtsü bilemer. India nung onoki takok ngua inyakba mapa rongnung iba store lapokba ya-a ka lir” ta Managing Director, KFC India, Rahul Shinde-i ashi.
Kohima nung KFC restaurant nung nisung 70 dak tema asemtsü aser anepdang 10:00 ako nungi aonung 9:00 ako tashi lapoktsü.