KFL 2017 atema ‘United 16 FC’ kümtetogo

Dimapur, July 22 (TYO): Kohima nung ward 16 buba kong Lerie Colony, LerieChazü, New Ministers’ Hill aser New Reserve densema lir parnok Kohima Town Club(KTC)-i ayongzükba mezüngbuba Kohima Football league nung shilem agitsü asoshi jaoka liasü. Iba osang nung telangzüba agüja ward 16buba nungi Youth Organization balala indang ketdangpurtem Lerie Panchayat Hall nung May 3, 2017 nü senden ka mena club ka parnoki achaayangtsüba atema dentettsü asoshi telemtetba agi.
Club tenüngji “United 16 Football Club” ta jatsüogo aser parnok indang omenji(moto)”Believe and Achieve” alitsü. “United” tetezüji ward 16buba nung colony pezü longjemba temaitsü aser ’16’ jagi “ward 16” tenüng nung nokdakba sayur.
United -16 FC nung tir asütsü asoshi Worhonthung Yanthan shimogo aser pa den külemi executive tem lir. Club atema Advisory board ka lir, koba nung Lerie Colony, LerieChazü, New Ministers’ Hill aser new reserve colony pezü nungi züngsem anana alitsü.
Team coach asütsü asoshi Chon shimogo Neizokhrielie Sonchu (Assistant Coach) aser team manager tem Vethita (Manager) aser Rengngam (Assistant Manager) ta shimogo.