KFL: Nagabazar FC puri Khriekesa FC soit

Kohima, August 28 (Agencies): Kohima Town Club-i ayongzüka asayba Kohima Football league tatembangbuba round nung tanü Nagabazar FC puri tasembuba jenjang nung aliba Khriekesa FC Meriema pur 3-3 agi soitogo.
Asaya nung mezüngbuba goal Nagabazar FC nungi asayar Neiphivilie Seyie-i asaya mezüngbuba shilem tatemtsü minute anashi lia idaktsü. Iba sülen Khriekesa nungi asayar Kekhriengulie Usou-i minute 54buba nung goal ka agüja kasasa aküm. Maneni asaya tanabuba shilem nung minute 62buba nung Nagabazar FC purisa Kezhose ajanga par telok atema tanabuba goal agütsü saka minute ana dang lir Khriekesa-i puria goal ka agüja tanaben goal kasasa aküm.
Asaya tanabuba shilem kanga keraa asaya aser minute 71buba nung Kezhose-i pa atema tanabuba goal aser par telok atema tasembuba goal ta agüja Nagabazar pur tasembenbuba tejakdangser maneni asayayonga ao, ajisüaka ano Khriekesa nungi asayar Kekhriengulie-i minute 73buba nung tasembuba goal agüja maneni score kasasa aküm. Iba sülen telok anapronglai goal kata magütsüteti point kaka lemsa.
Iba asaya nung Khriekesa pur atema goal asem agüja Kekhriengulie Usou iba asayamung nung hat-trick agütsür tasembuba kümogo
Social activist Peter Rutsa iba asaya tetushi tesemdanger asü.
August 29 nü asaya yamai alitsü:
Addax FC vs Forerunners’ FC @3:00 PM