KFL: New Market FC aser Ziekezou SC nati kokogo

Kohima, August 22 (TYO): Kohima Football League pongububa round nung New Market FC aser Ziekezou FC teloki pei tata asaya kokogo. Iba asayamung ya Kohima Town Club-i ayongzüka Kohima Local Ground nung tasayadak lir.

Tanü asaya mezüngbuba nung New Market FC puri Addax FC 2-0 agi akok. Asaya mezüngbuba shilem nung telok anapronglai goal kata magütsüteti tembang. Ajisüaka asaya tanabuba shilem nung New Market FC nungi asayar Gideon Leo-i minute 72buba nung mezüngbuba goal agütsü aser iba sülen minute 86buba nung Chisie Ngusou-i tanabuba goal agüja liasü.

Addax FC nungi captain Imlongchaba nem minute 86buba nung yellow card ka agütsü.

Asaya tanabuba nung Ziekezou SC puri Nagabazar FC pur 5-1 agi ayong ayonga kokogo.  asaya tenzüker minute 30buba nung Kekhriesetuo Khro-i mezüngbuba goal agütsü aser asaya mezüngbuba shilem nung iba goal kicha ya dang agütsütet. Ajisüaka asaya tanabuba shilem tenzüker minute 3 dang or Kekhriesetuo Tsira-i tanabuba goal agütsü aser iba sülen Keneinguze Pienyii-i minute 54buba nung tasembuba goal agütsü. Vinoka Sumi minute 56buba nung goal pezübuba aser minute 79buba nung Kakhevi Assumi-i goal pongububa ta agütsü. Nagabazar puri asaya nung goal ka dang agütsü aser aji minute 87buba nung Kezhose-i agütsü.

Nagabazar FC nungi asayar Kezevituo Vizo aser Ziekezou FC nungi asayar Kekhriesetuo Tsira na nem minute 45buba aser 51buba nung yellow card kaka agütsü.

August 23 asaya yamai alitsü(round 6buba):

Power Comm FC vs New Market FC @3:00 PM