KG Kenye-i NEC secretary den ajurutep

Kohima, Chiteni (July) 6 (TYO): Nagaland nungi Rajya Sabha MP, K.G. Kenye-i Chiteni (July) 6 nü North East Council Secretary Ram Muivah IAS den ajurutep.
Kenye-i Shillong nung Muivah den ajurutepdang Centre-i NEC amokbanga ayuba onük lemsatep.
NEC ama Parliament ajanga tentetba reju ya tanga administrative council mesüra tanga telok ka ama mamokbangtsüla. NEC ket nung tashi peria agüja lir anungji North East Region nung iba ajanga terenlok bener aruba mapa nung tongtipang shilem agir, ta Kenye-i NEC Secretary dang ashi.
Kenye-isa Muviah dang NE region dak sendakba onüktem Centre den jembitsü nangzük.
Tanü Nagaland Rajya Sabha MP-i Meghalaya Chief Minister Conrad K. Sangma den-a ajurutep.