KHADC-i ‘Inner Line’ Regulation Bill 2018 agizük

Shillong, Mongputeni (October) 26 (Agencies): Khasi Hills Autonomous District Council (KHADC)-i Hokolbarnü Khasi Hills Autonomous District (Inner Line as adapted from the Bengal Eastern Frontier Regulation, 1873) Regulation Bill, 2018 agizükogo.
Shillong nung KHADC indang special session agidang iba bill agizük.
Yashi KHADC-i official resolution agizük aser Governor dang Council telongtet nung Inner Line Permit (ILP) mapa inyaktsü atema Bengal Eastern Frontier Regulation, 1873 tenzükang ta ayongzüka liasü.
State sorkar aser Council tsüngda ILP onük atema mangatettep lir ta KHADC CEM Hispreaching Son Shylla-i osangbener dang ashi.
ILP ya KHADC kübok mali ta Chief Minister Conrad K Sangma-i jembiba atema Shylla-i ashiba agi, Bengal Eastern Frontier Regulation, 1873 ya Constitution nung Sixth Schedule kübok masü anungji Chief Minister-i jembibaji tai lir.
United Khasi-Jaintia Hills District (Application of Laws) Regulation, 1952 nung Bengal Eastern Frontier Regulation, 1873 enoksema lir aser iba ozüng ya KHADC nung amshir aser KHAD (The Inner Line) Regulation, 2018 ta nüngja agüja lir, ta Shylla-isa metetdaktsü.
“Council-i Indian Christian Marriage Act, 1872 ama Central ozüngtem benoka lir. Indian Christian Marriage Act, 1872 benokba sülen onoki kiyimtsü atema Pastor nem license agütsür. Kasaji, ILP mapa inyaktsü atema Bengal Eastern Frontier Regulation, 1873 benoktsü” ta paisa shisem.