KHADC onük atema Assam & Meghalaya ketdangsertem senden amen

Diphu, Yimpoksüi (November) 23 (Agencies): Assam nung West Karbi Anglong aser Meghalaya kübok West Jaintia Hills aser Ri-bhoi district asem nungi teshimtet nübo aser ketdangsertem külem senden ka amen.
State ana tsüngda arrtsü tebilemtsü atema Nongpoh Circuit House nung Brihsotibarnü parnok senden amen.
Mongulbarnü Khasi Hills Autonomous District Council (KHADC) indang winter session nung telemtetba ka agiba sülen iba senden ayonga amener asütsü.
KHADC-i Centre sorkar, Meghalaya sorkar, Assam sorkar aser Karbi Anglong Autonomous Council dang Karbi Anglong, Assam nungi Block – I aser Block – II ali tanaeben meyipa agütsütsü atema ayongzük.
Senden nung inter-state arrtsü tebilemtsü ya state sorkartemi Centre sorkar den benoka olemteptsüla aser state sorkartem tsüngda angatettteptsüla ta telemtetba agi.
Senden nung West Karbi Anglong tenüng nungi Executive Member (EM), Karbi Anglong Autonomous Council (KAAC), Rupsing Teron, Baithalangso MLA Dr Mansing Rongpi, Deputy Commissioner of West Karbi Anglong, Devajyoti Hazarika; SP, Mrinal Talukdar, Deputy Secretary, KAAC, Micheal Timung, Assistant Revenue Officer, Dilip Teron aser DFO, Hamren, Borsing Bey nungertem aden.
Külen Ri-bhoi district nungi Deputy Commissioner R M Kurbah aser Superintendent of Police, Spill Thamar na aser West Jaintia Hills tenüng nung Deputy Commissioner aser the Superintendent of Police na aden.