New Delhi, January 31 (Agencies): Khadi ajanga linük nung nisung crore aika nem mapa agütsütettsü, ta 2016 küm tang mezüng “Mann Ki Baat” sentong nung Ato kilonser Narandra Modi-i ashi.
“Nisung crore aika mapa angutsüsa Khadi dak tashi lir. Tangbo iba ya linük lanurtem atema tejararaba ka aser temaitsü ka kümogo,” ta Modi-i ashi,
Paisa, “Sardar Patel-i India nunger nüjisoji Khadi nungi lir, India nunger civilization ajanga Khadi sayur, aluyimertem welfare-a Khadi nung lir ta jembi,” ta ashi.
Ita shia radio ajanga linük nüburtem den jembiba Mann Ki Baat sentong nungsa Modi-i nüburtem dang, kümshia January 30 nü linük atema taküm tenla agüja asürtem nem akhüm agüjang ta mepishi.
“January ita 30 nü shia anüngdang 11:00 ako nung linük nübur ajaki khen süngjema lira ibaji ajanga ‘energy’ kwi kümzüktsü’ar nai-a bilemdangang. Iba ya yimya sübaa benshitsüla,” ta Modi-i ashi.
You must be logged in to post a comment Login