Khan tem den külemi inyaksemner: Kalki Koechlin

November 18, 2015: Tinsel town nung aiür ajaki jangraba ama Kalki Koechlin-ia sobaliba nüknürar film nung Khan tem (Salman Khan, Shah Rukh Khan & Aamir Khan) den külemi inyaksemner, ta ashi.

Arishi küm 31 Kalki-i, lai Khan tem den külemi mapa inyaktsü jangrar, talisa Shah Rukh Khan den inyaktsü jangrar, kechiyong paji jangratemtsüsa aser tepuatsü keta lir, ta ashi.

‘Margarita With a Straw’ film star Kalki-i, lai film director rongnung Vishal Bhardwaj tajungtiba ta ashi.

Kalki-i Japan nunger shin o ka dak kanga amanger aser iba shin oji- “Tanü anogo ya yashi dang nungi tajungba, asüng anogo dang nungi tamajungba.”

Lai sobaliba nüknürar otsü-a jangrar, ibaji lai commercial shilem maginüba masü saka la dak apet shilem lir ta lai bilemer.

Kalki-i shilem agia aliba film tasenbaji Nicholas Kharkongor-i director asüba ‘Mantra’ film lir. Iba film nung Shiv Pandit aser Rajat Kapoor natia shilem agir.