Khango Konyak-i asür SS Khaplang menden melenzüktsü

Kohima, June 11 (Agencies): NSCN-K nung Chairman SS Khaplang asüba sülen NSCN-K nung lennir tejen Khango Konyak-i iba menden melenzüktsü ta osang ka ajanga ashi.
Ajisüaka, chairman tasen shimba osangji NSCN-K nungibo official sangdong kecha mali.
Hokolbar aonung SS Khaplang arishi küm 77 nung lia Taga, Myanmar nung aliba NSCN-K Council Headquarters nung asü.
Lt. Gen. (Retd) Khango Konyak ya Naga Army nung Lieutenant General inyaka liasü aser pa May 2011 nung NSCN-K Vice-Chairman inyaktsü shima liasü.
Taoba mapang pai East Pakistan (tang Bangladesh) aser China nung guerrilla warfare training agia liasü.
Khango-isa Konyak Region nung Chairman aser Tuensang-Mon Regional Union nunga Tir mapatem inyakogo.
Pa 1963 küm Naga Army nung züngsem aküm aser 1966 nung pa Alee (Foreign) command kübok Pakistan-i yok, ta osang ka ajanga ashi.
1976 nung Khango-i China semdang aser pai Naga Army nung Mobile commander, Battalion, Operations aser Brigade Commander mapatem inyak.
1985 nung pai Council Guard Commander inyak aser 2004 nung General Head Quarters (GHQ) nung GSO-II (General Staff Officer) inyak.
Lt. Gen. (Retd) Khango Konyak ya Central Council Member (CCM) nung züngsem ka asütsü shimok aser iba sülen pa Kilo Kilonser, GPRN inyaktsü shima liasü.