Khaplang’er teloki amakba aitsür: NSCN/GPRN

Dimapur, April 17 (TYO): Naga yimten tebilemtsü tekaratiba nung bentettsü atema NSCN-i kanga meranga mapa inyaka arur saka April 15, 2016 nü Khaplang’er teloki Arunachal Pradesh nung Naga Army amakba ajanga putepshitsü aser longjemtsü atema inyakba mapa nung tetsükdaktsü bener arutsüogo, ta MIP-NSCN/GPRN sangdong ka nung metetdaktsü.
Changlang district nung Phinphiro aser Lilam tsüngda Ledo tesem nung Khaplang’er züngsemtemi Naga Army amakdang 2nd Lieutenant, Wungnaothing yirutsü
NSCN-i iba inyakyim kukua aitsür aser tarutsü nung iba ama tensa majurutsü tema Khaplang dang par züngsemtem azüoktsü shisatsü agütsür. Naga nunger tsüngda yimjung aser telongjem bener arutsü atema mapang shia NSCN-i külem Naga nunger den meraratepi aremzüka arur, ta MIP-NSCN/GPRN sangdong nungsa shia lir.
Ajisüaka, yimjung aser putepshitsü atema mapa inyakba nung onok tashimait ta bilema yimjung maparen raksatsüsa onok anema mapa inyakra Naga Army-i linük ajungtsü mechi nung mapa inyaktsüsa akümtsü, ta sangdong nungsa metetdaktsü.