Khar Baptist Arogo-i Parents Seminar agi

Dimapur, March 24 (TYO) : Khar Baptist Arogo, Mission Department-i Khar Fellowship Mangkolemba nung March 19, 2016 nü Parents Seminar ka ayongzüka agi.
Iba shisatokden sentongji “Restore Our Family” omen nung ajemdaker agi aser shisalen sayurtemji – Rev. S.Apong Jamir, Missionary at Large, KBC; Rev. Dr. A. Wati Jamir, Mission Co-ordinator, KBC; Mr. L. Kumzuk Walling, Pastor, KBC; aser Mrs. T. Alemla Walling, Asso. Pastor Women, KBC nungertem liasü.
Iba sentong nung tsürabur 106 tashi aden aser shisatokden anogo matongdang shisalen sayurtemi mezüng kiboksema senzü.
Iba sentong takok ngua agitetba asoshi Mangkolemba nung Khar Fellowship züngsemtem dang kang pelar, ta Mission Co-ordinator, KBC, Rev. Dr. A. Wati Jamir-i sangdong ka nung metetdaktsü.