Khar Maken-Longshing Jupang-i Mangkolemba nung süngdong atem

Dimapur, June 15 (TYO) : Khar Maken-Longshing Jupang Mangkolemba Unit-i June 14 nü Khar Lemdang tenem nung süngdong 100 aser mungodong 200 atem.
Khar Lemdang tenem ya Mangkolemba jila temalen lir aser tongtipang tesem ka ta ajiteta Khar Maken-Longshing Jupang-i iba tesem nung süngdonglidong atem.
Mangkolemba jila nung tongtipang ayongtem aser ayongnutem ajak iba tenem nungi tenzüker aser item ayongtem ajanga temeket aliba yimtem nem tzü tajemtsü agütsür.
Maken-Longshing jupang nungi züngsem 33-i süngdonglidong atemba mapa inyak aser parnoki Tenemtzüyong ayong aser Khar-Mongchen arrtsü tsüngda nung atem.
Mangkolemba nung Additional Deputy Commissioner, Imtiwapang Aier, NCS-i süngdongtem agütsüba atema Khar Maken-Longshing jupang-i pa dang pelaba metetdaktsür, ta Khar Maken-Longshing Jupang President, Tiakumzuk aser General Secretary Limayanger nati külem sangdong ka nung metetdaktsü.