Khar yimdak tenük tendangtsüba camp agi

Khar (Mokokchung), March 13 (TYO): “Beat invisible Glaucoma” omen nung ajemdaker World Glaucoma week 2019 amongba mapang nung March 12, 2019 nü Mokokchung district kübok Khar yimdak arishi küm 50 aser temapurtem atema angati glaucoma aser tenük screening camp ka ayongzüka agiogo; iba camp ya National Programme for Control of Blindness aser Visual Impairment (NPCB&VI), Nagaland-i sponsor asü, ta ketdangsertem osang ka ajanga metetdaktsü.
Iba sentong nung IMDH, Mokokchung nungi tenük specialists kati lokti dang Glaucoma indang metetdakja liasü.
DPMU, Chief Medical office sangdong ajanga ashiba agi, iba camp nung nisung 93 tenük tendangtsüogo aser nükrangtsü (spectacle) den mozü angati agutsü. Ano tenük majunger kar dangbo maneni tendanga treatment agitsü atema IMDH-i aotsü tuyuogo.
Iba camp ya Eye specialist Dr. Wobenthung Tsopoe, Atola staff nurse aser Sakoyuba Ophthalmic assistant nungeri agia liasü.