Khar yimtak Medical camp liasü

Khar, Mokokchung, Nov. 24 (TYO) : November 23, 2016 nü Khar Yimdak District Mental Health Programme, Mokokchung dak sendakba nung Medical Health Camp cum Disability Certification camp ka ayongzüka liasü.
Iba Camp ya Dr. Temsuyanger, DPO(UIP/RCH) Nodal Officer, District Mental Health Programme, Mokokchung aser Khar Putu Menden (Village Council) ajanga achaayanga agia liasü. Khar Yim aser anasa aliba yimtsüngtem nungi temang nung timtim alir (Mental Retardation & Mental illness) parnok nisung 18 tashi temang repranga angadi mozü agütsü aser temsüa alirtem nem Disability Certificate atema maparen renemtsü. Disability Certificate aser ID renemba maparen nung Grace Society CBR Forum, HQ-Changtongya ajanga acha-ayanga yaritepba liasü.
Iba maparen nung tongtibangsa yimten Yimsüsuri tsüngdong arua shilem agia nungita yariba asoshi medical officer aser staff ajanga pelaba metetdaktsü aser Tarutsü mapangtem nunga nütsüng-nübur ajak longjemer iba ama temang nung timtima alirtem asoshi yariteptsü ayongzüka liasü.