Khekaho Assumi-i DPC den sensak asem

Dimapur, January 16 : Tanü Theja Fort, Dimapur nung Parliamentary Secretary IPR, Khekaho Assumi den Dimapur Press Club (DPC) züngsemtem sensaksemdang agiba noksa ka yangi angur.

Dimapur, January 16 (Agencies): January 16, 2016 nü Theja Fort, Dimapur nung Parliamentary Secretary IPR, Khekaho Assumi-i Dimapur Press Club(DPC) züngsemtem den sensaksema shisa lemsatepa liasü.
Parliamentary Secretary IPR kati DPC züngsemtem ajurua den sensaksemba ya tan mezüng asütsü südi.
Iba senden nung DPC züngsemtemi Press nem sen agütsüba tsütsü tebilemtsütem indang lemsatepba sülen Assumi-i  item tebilemtsütem reprangshitsü atema February ita tetenzüklen senden ka amentsü, ta shiogo.
Iba senden nungsa DPC office atema aser osangbenertem bendanglen sema senzütsü atema-a süoka o lemtepogo.
Parliamentary Secretary IPR Khekaho-i sentepa alirtem dang nüburtem tajangzük angutsü mechi sorkar sentongtem prokshitsü atema ajungshi aser DCP züngsemtem dang paia akok tashi amalitepa yaritsü shiogo.
Iba senden nung DPRO Dimapur, Lolano P. Khuvung-a densema liasü.