Khekaho-i 30 buba VK Area Volleyball asayamong tenzüktsü

Dimapur, July 04 (TYO): Nagaland Parliamentary Secretary, Information & Public Relations, Khekaho Assumi-i 30 buba Tulini Volleyball Tournament Zunheboto district kübok V.K. Town nung tanü, Hombar nü tenzüktsüogo.
“Tan asayamong nung shilem agir teloktemi tan asayamong ya nübur rong nung telungjem aser terenlok alitsü sabang ka kümdaktsütsü ajungshir,” ta tongti tesemdanger, Khekaho-i metetdaktsü.
“V.K. area ya Nagaland ajunga nung terenlok tajemba anguba tesem lir,” ta shia, V.K. area nung nungdakba terenlok lidaktsütsü asoshi akok tashi inyakba olen ka Akuluto Assembly constituency nungi yimsüsür, Khekaho-i lemsatep.
Ano, nüburtemia sorkar den amalitepa terenlok mapatong takok ngua inyaktsü tayongzükba olen ka tongti tesemdangeri metetdakja liasü.
V.K Area People’s Organization-i ‘Victory through Harmony’ omen nung ajemdaker ayongba asayamong nung telok 20 tashi shilem agitsü renema lir.
Tanü tetenzükba asaya nung defending champion, Dolphin ‘A’ teloki Sasta Sports Association (SSA) telok madak takok ngua liasü.