Khel Ratna Award atema Sardar o Devendra na tenüng benok

New Delhi, August 3 (Agencies): Taoba mapang India hockey captain Sardar Singh aser Paralympic javelin thrower Devendra Jhajharia, shibai 2016 Rio Paralympics nung gold medal ngua liasü, tena tenüng Rajiv Gandhi Khel Ratna Award atema benokogo. Iba ya linük nung asayar ka nem agütsüba sempet tulutiba lir.
Taküm küm Arjuna award agizüktsü pur parnok 17 rongnung cricket asayartem rongnungi Cheteshwar Pujara aser Harmanpreet Kaur, Paralympic medallists Mariyappan Thangavelu aser Varun Bhati aser golfer SSP Chawrasia densema lir.
Sardar Singh alima nung hockey asayartem defensive mid-fielders rongnung tajungtiba ka lir aser pa linüsüba kübok Commonwealth Games nung silver medal anaben tashi atonga ngutetogo. 2015 Hockey World League nung India nungeri bronze medal angudanga pa captain liasü. Pa nem 2015 küm Padma Shri award agütsüogo.
Anaben tashi Paralympic gold-medallist Devendra Jhajharia ya iba tetushi sempet atema paralympian rongnungi mezüngbuba lir.
Arishi küm 36 tain Jhajharia ya India nunger Paralympic rongnungi gold medal ana angur mezüngbuba lir aser Justice (Retd) C K Thakkar-i anir awards selection committee-i iba award atema pa tesapuba liasü. Jhajharia-i medal ya javelin tsüshishiba nung angu.
Iba award atema tatembangba telemtetba ya Sports Ministry ajanga agitsü.
Kasa mapang nung selection committee-i Arjuna award atema parnok 17 tenüng benokdangogo.