Khen khen masayabaji tajungba lir: Messi

December 7, 2017 (Agencies): Küm 15 shi tejakdang Argentina nunger asayar Lionel Messi-i arishi küm 17 asüdang Barcelona nung asaya tenzük aser tang pai ashiba agi, Asaya kar nungbo masayabajia pa asoshi tajungba.
Arishi küm 30 tain asayar ya tawa Barcelona nunger UEFA Champions League group stage asaya nung Juventus aser Sporting CP den asayadang shilem magi, aser pai ashiba agi, manager Ernesto Valverde-i telemtetba agiba nung pa temulung süa dang lir.
“Season kanga talang ta ni angatetogo aser mapang kar nungbo kanga tasak lir aser küm tem süitema aoba ama kü temangi asaya aika asayatsüba memelar. Khen khen masayaba ya tajungba ka asoshi lir ta ni yimdangi aruogo,” ta Messi-i ashi.
Messi-i pa kichai Argentina nunger World cup nung shilem agitsüba atema jenjang ngutetdaktsüogo.
“Onok mapang tasak kar ajanga aruogo, saka world champions asütsüba atema onok improve asütsü asoshi nüngdaker ta asübaji kanga shidak lir,” ta pai ashi.