Khenü nung telungpur 130 tepsetogo:Afghanistan

Kabul, May 18 (Agencies) : Afghanistan security temi taoba gondha 24 tsüngda nung Taliban telungpur nisung 130 tepsetogo, ta Bodhbarnü Defence Ministry sangdong ka ajanga metetdaktsü.

Iba den külemi tajemba agi parnok telungpursa nisung 76 shi yirutsüogo, ta kasa sangdong ajanga ashiba Xinhua news agency ajanga metetdaktsü.

Security temi linük nung aliba province 34 rongnungi province 18 mita aoba mapang prangponga kar nguteta lir, ta sangdong ajanga ashi.

Iba mita aoba mapang army 10 tashi taküm samogo, ta ministry sangdong ajangasa metetdaktsüogo.

Afghanistan security temi tang mapang ya telungpur den kanga sashia raraba mapang ka lir. Parnoki, tang ya raraba mongpu lir, ta ashi.

Iba tatalokba nung Taliban teloki ano kecha mashi.