Kher-i 1971 rara indang Web Series ka produce asütsü

New York, July 17 (Agencies): Nüngtugu tejen actor Anupam Kher-i 1971 küm India-Pakistan na rara dak ajemdaker web series ka produce asütsüba sangdongogo. Arishi küm 62 tain actor shiba tang producer ka ama bendanglen oa ali, pai iba series nung shirnokisa shilem agitsüar mejangjai lir.
“Netflex-i teyari agütsüba ajanga onoki shidakba tatalokba otsü nung ajemdaker web series ka yanglutsü asoshi maparen tenzükogo. Canada aser India nunger otsü zülurtemi tang script teyangludak lir. Ni iba series produce asütsü. Iba ya 1971 rara indang otsü asütsü. Iba series nung ni shilem agitsü asü magitsür mejengja. Ni shilem agitsübaji script dak dang aket,” ta kher-i osangbenertem dang ashi.
Kher-i Neeraj Pandey-i produce asüba Naam Shabana filma nung tatembangsa shilem agi. Iba filma ya 2015 nung sayaba film ‘Baby’ yanglushir adokba film ka lir.
Om Prakash Shukla indang character nung kecha temelenshi alitsü malitsü, ta asüngdang dang Kher-i ashiba agi, “Ni Neeraj Pandey dang kü character Shukla melenshiang ta ashir saka pai temenü dang menür. Pa indang otsü ya kanga jangratemtsüka asütsü aser iba indang ya Neeraji mebelemdangi alitsü ta ni bilemer.”