Khezhakeno Baptist Church tekülem ki tasen meshitetogo

Dimapur, Metsüremi/March 01 (TYO): Khezhakeno Baptist Church (KBC) indang tekülem ki tasenba meshitetba sentong ka February 28, 2021 nü iba tekülem kidang agia liasü.

Iba tenlaki tasenba ya Rev. Krotso Mero, Executive Secretary, Chakhesang Baptist Church Council (NBCC) ajanga meshiteta sarasademtsü.

Arogo senotsü amshiri osang agütsüba agi, storey asem atongtepa yangluba tekülem ki ya sen crore 2.10 shi indoka küm pezü nung renem aser iba tekülem ki ya ali 75×90 square feet nung amendaker yanglu, kong nisung 1200 dak tema amentsü akoktsü.

Iba tekülem ki yanglutsü atema nüngshilong ya December 2, 2012 nung Rev. Khrotso Mero-i azüngja liasü. Iba mapang Mero ya Chakhesang Baptist Church, Kitsubozou nung Senior pastor liasü aser paisa iba tekülem ki ya CBCC indang Executive Secretary ka ama meshiteta lapoktsü.

Iba tekülem ki meshitetba sentong nung Church Buildong Committee chairman, Timikha Koza menden liasü aser iba arogo indang choir aser tila tanurtemi temeja ken aten.

Tekülem mapang Pastor C. Kemvu Koza-i anir agi aser Associate Pastor, Thochu-i Tsüngrem temoatsü jazüka sarasadem aser Chairman, Khezha/Kuzha Tephe Baptist Church Council (KKTBCC) ajanga salem o lemsatepa liasü.