Khiamniungan Union Mkg-i jangjashitsür

Dimapur, July 6 (TYO) : July 2, 2016 nü Khiamniungan Union Mokokchung (KUM)-i osangkaket balala nung onok züngsem ka Dilong Ward, Mokokchung nung sür lia angu ta sangdongbaji ‘süchia orr’ lia angu ta jangjashitsür, ta KUM president K. Sangsa aser general secretary T. Shingnyoh nati sangdong ka nung metetdaktsü.
Asür Ledang ji süchia orr lia angu aser pa IMDH, Mokokchung-i bener aodang len tom nung asü. Anungji, KUM-i osang tai sangdongba atema public aser media dang tatok meshir, ta sangdong nungsa shia lir.