Khriehu-i LYO Indoor Stadium lapoktsüogo

Kohima yimtsüng nung agiba L. Khel Indoor Stadium lapoktsüba sentong nung L Khel Youth Organisation, Kohima Village züngsemtemi sobaliba ken o tena shilem agiba noksa nung angur. (Kohima Village, May 07)

Kohima, May 07 (TYO): Nagaland Parliamentary Secretary, Youth Resources & Sports, State Lotteries & Music Task Force, Khriehu Lizietsu-i Kohima yimtsüng kübok Lhisemia Khel nung Lhisemia Youth Organization (LYO) Indoor Stadium tanü, Honibar nü lapoktsüogo.
Tanü lapoktsüba stadium-ji Khriehu-i ketdangsüa, Youth Resources & Sports under restoration scheme 2014-15 senpong nungi teyari agia yangluba osang jangjaogo.
“Lokti jenjang tajungba kümdaktsütsü aser saisaponagtsü shilem temaba jenjang nung ajungkettsütsü atema stadium amshitsü ajungshir. Iba stadium nung saisapong sentong den külemi, lokti senden, kiyimtsü sentong aser iba amala tongtipang sentongtem agitsü ajungshir,” ta Khriehu-i onük jembidang lemsatepa liasü.
Ano külen, 2016-18 LYO ketdangpur menden melentepa sentonga tanü agiba osang jangaogo.