Khriekesa FC-i Kohima district Capt N Kenguruse Tournament kokogo

Kohima, Rongjui/Septembe 5 (TYO): Assam Rifles puri ayongba Capt (Late) N Kenguruse Football Tournament final asaya Khriekesa Football Club, Meriema-i koka takok marok nguogo
Final asaya nung Khriekesa FC puri tie-breaker ajanga 3-2 agi Nerehema Village Football Club madak takok angu. Asaya tembanga asayaba tashi nung telok anapronglai goal 1-1 dang idaktsütetba sülen tie-breaker asayatsüsa aküm.
Asaya tenzüker minute 6buba nung Nerhema nungi asayar Menguzelie-i goal idaktsütsü asoshi maongka angu saka pai tera agidang goal magütsütet. Iba sülen Khriekesa defender-i danger zone nung Aloumai alangdaktsüba sülen referee Khriekesa pur nem penalty metsütsü maongka agütsü koba Kekhrieletuo-i idaktsü aser asaya mezüngbuba shilem parnok tejakdang sür tembang.
Ajisüaka lemon break sülen Khriekesa puri kanga meranga asaya aser minute 90buba nung Achamo-i goal ka idakja goal kasasa aküm. Mapang apuloktsür asayaba mapang box telung nung hand ball menaba sülen Khriekesa pur nem penalty ka metsütsü asoshi maongka agütsü saka Medeneituo-i metsüba ball Nerhema goal keeper Medophrezo-i kanga junga nokdang. Iba sülen telok kati danga goal magütsüteti asaya tembang.
Tie-breaker nung Khriekesa FC Meriema-i goal asem idaktsü aser Nerhema puri goal ana idaktsü.
Asayamung akokba atema Khriekesa FC Meriema nem senpet sen 25,000 den trophy, kuli kaket aser medal agütsü aser runners-up Nerhema FC nem sen 15,000 den kuli kaket aser medal agütsü.
Jurila sempet tem rongnung Nerhema Village FC nungi asayar Medophrezo nem golden glove award agütsü.
Asayamung tembangba sentong nung Deputy Inspector General, Head Quarter 5 Sector Assam Rifles Brigadier Sandeep Sharada, aser asür Captain Neikiezakho Kenguruse tebu Neisielie Kenguruse nati sempet lemja liasü.