Khriekesa FC puri temaba jenjang atongtsü nükjidong yur tentet

Dimapur, August 8 (TYO): Khriekesa Football Club, Meriema, Kohima ya  temaba jenjang atongtsü asoshi nükjidong yur 2017 küm tentet. Iba club ya lanur football asayartem aser meimertem tejangraba ajungkettsüba aser wazüka ayutsüba dang masü saka asayartem tangar nem metetdakja konang nüngsang bener arutsüa imlaa tenzük. Bendanga agütsüba, temolungtetba aser meranga inyakba yimya iba telok nung züngsem ajak dang nungi imlar.

Meriema nungi Neilakhrielie Phewhuo-i iba telok ya senotsü agüja yarir. Pa yaa football asayar ka liasü aser tang kanga dang shishilembar aser contractor tajung ka kümogo.

KFC nükjidong ya lanurtem lenmang tezüleni meyoki anidentsüba atema lir aser iba atema football ya hadir ka ama amshir aser parnok taküm nung iba ya career-a kümdaktsütettsü.

Iba nükjidong temolungdang yur, KFC puri chaplain ka shimogo aser pai asayartem sarasadem nung aser counseling agütsüba nung asayartem teti yaritsü aser parnok asayar yimya tajungtiba nung anitettsü. Khriekesa Football club akoktsüba atema dang shilem agir masü saka asaya ajanga  longjemtsüba nükjidong nung asayar.

Khriekesa Football Club , Meriema, Kohima ketdangsertem yamai alitsü:

*       Tir- Neilakhrielie Phewhuo

*       General Secretary aser Media Officer-Ketu viluo

*       Asst. GS-Avilie Keditsu

*       Senyur-Neisakholie

*       Team Manager-Kevisetuo Yaostu

*       Team Coach-Vizovor Liezietsu

*       Assst Coach -Neimezo Huozha

*       Chaplain- Pastor Viluo

*       Team Doctor-Neiphrezo Soriinuo