Khrista amangtsü maongka

Khrista dak amangtsü asoshi dang masü, saka ano pa atema timatemtsü nenok nem agütsü. Filip 1:30
Khrista amangtsü asoshi Tsüngremi alima nem maongka balaka agütsü. Shingai Khrista majangi Tebu dangi asotsü makok aser Tebui matsüba shingai Tebu dangi aotsü makok. Kechiaser Tekümtetji Khrista ajanga dang lir, aser tamanger ka ama telangzübaji Tsüngremi kibong nung züngsem ka kümdaktsüba maongka asoshi teti Tsüngrem tenüng asangba mulungjang dener alitsüla. Iba tesüngmangtsü maongka asoshi tanüa tenüngsang  agüjang. Filipi 1:30 nungji timatemtsü mapang tajungji tamangertem ajak nem agütsü ta asenok nem bilemtetdaktsür. Iba timtem asoshi ochi shia tenüngsang agütsütsüji tasak. Iba tesayuba tamanger ka ama telangzübaji, Tsüngremi kibong nung züngsem ka kümdaktsüba maongka asoshi teti Tsüngrem tenüng asangba mulungjang dener alitsüla. Iba tesüngmangtsü maongka asoshi tanüa tenüngsang agüjang. Filipi 1:30 nungji timatemtsü mapang tajungji tamangertem ajak nem agütsü ta asenok nem bilemtetdaktsür. Iba timtem asoshi ochi shia tenüngsang agütsütsüji tasak. Iba tesüngmangtsü o Paul, shiba Filipi nung tepuokdak timtema liasü pai zülu. Pauli tepuokdak nungi telangzübaji sentsüwangshi asoshi pa tenüng sangang ta zülu.Tenyartemi parnok Kibuba asoshi timdaktsüba asoshi Kibuba tenüng asang ta T.Mapa kaket nung zülu. Ochiba asoshi Pai kü daktimtem mapa inyak iba asoshi ni Tsüngrem tenüng asanger ta pai zülu. Süngdong tasen nung süngjang adokdaktsütsü asoshi asenoki ali nung metsü aremer. Yi tasen adoktsü asoshi tsükmenatsü tejangji menüngsatsüla. Poteperi aginüba ama akümtsü asoshi aliji menüngsa lishi dang kümdaktsütsüba masü; ibai ajepshitsüla  aser  temerang kümdaktsütsü asoshi mipong nung inoktsüla idangji dang poteper aginüba ama adoker. Hon akümtsü asoshi lungji aoyi küma menüngsatsüla aser mipong nung tenetben tashi marudang aoyi den meyokteptsüla.Idangji noklang shilem nung 99 hon akümer. School mendenji temerang, lessontemji jangratemtsü maket, tetendangbaji tasak, tazüokbaji tesashi, item tatembang ajakji sentsüwangshi lir. Mapang ka asoshi tasü akhüm lenden ajanga jajatsü akok,saka asenok Kibuba kidang teti alitsü.
Oba, kü nem timtem agütsüba asoshi ne tenüng asanger. Amangba agi nai kü nem taküm nung timtem agütsütsü aliba nungi jenbur masü ta ni amanger.