Khrista atema taküm tenla agütsü

– R.Temjen Imsong (Ex-Pastor)
Naga United Village, Dimapur.

Khrista atema asürtem AZUJI AROGO METSÜ
1.    AD 34 nung tasen lai nung Khrista kuli atema mezüng taküm agütsübaji STEFAN liasü. Nisungtemi pa yimti nungi atsür oagi long agi onseta südaktsü (Saka pai temenen pur asoshi sarasademtsü). T.Mapa 7:54-60
2.    AD 44 nung Galil nunger Zebedi chir Yohan tedi Yakob, Herod Agrippa Yihuda lima nung Governor aküm, pai Yakob noklangnok agi lepset.
3.    AD 52 nung Filip-paa Galil nung aliba Bedsaida nung aso, pa Heirapolis nung temang mena lisü agi arep aser kangki nung tepset.
4.    AD 60 nung Mati paa Galil nung aliba Nazaret Yimti nung aso, saka pa alimelen sarur ka asünung Kapernaum nung ali, pai osang tajung Mati kaket zülu. Paa Parthia lima nung nok agi lepset.
5.    Mark pa Levi nunger ka, pa Peter ajanga Yisu dangi anir aru. Pai osang tajung Mark kaket zülu, paa tetsüng nung lisü agi alener yimdong nung atsür senzü aser ongken ka nung aonung ayu aser mi agi rongseta südaktsü.
6.    Yakob tilaba pai Yakob shiti zulu. Pa Yirusalem nung temang mena züker lung agi onseta südaktsü.
7.    Mathia kibuba Yisu Khrista kodaki tur kulen Yihuda Iskariot melena netsüngtemi pa shimtet. Pa Yirusalem nung lung agi oner külen nok agi lepset.
8.    Andria pa Simon tedi lir, pa Patrae lima nung kangki nung kojal agi mangeni lisü agi alenloker kangshia südaktsü.
9.    Peter pa Galil nung aliba Bethsaida yimdak aso. Pa Andria tenu, pa kangki nung langkoshishia kangshia südaktsü.
10.    Tenyar Paul Rom lima nung ita 9 tepuokdak yur Rom chuba Neroi nok agi lepset.
11.    AD 72 nung Yihuda pa Yakub tenu lir, pa Persia lima nung kangki nung tepset.
12.    AD 74 nung Simon pai Mauritania aser Africa tesem aika nung Sayutsungi paa kangki nung tepset.
13.    Bartholomeo pai Mati züluba osang tajungji kintem oshi nung meyiper züngdaktsü. Pa süng agi zükseta südaktsü.
14.    Thoma pai Parthia aser India tesem balala nung sayutsüngi. Pa nü agi tsüngseta südaktsü.
Tamang agi parnoki yimlitem akok. Temeshi mapa ajak inyak, tenangzükbatem angu. Molusüngzü tebang nembang, mi tashi remsep, nokpu nungi jentet, tashimait nung tashi itta aküm, tongpang rara nung tashi itta ain, bendanger merangertem akok, tangari atala lisü agi arep, tsüngden   chiokdak ayu, lung agi onset, süngratsü agi rangma, nok agi tepset. Ibri 11:33-40.
Itemi parnok asoshi sübotsü liasü, parnok tamangji pei taküm rangben tenla agütsüba kuli ajanga jungkai adokdaktsü. Tanü tamangertem ne  züji tesamaba purtem asoshi bendanga agutsütsü Yisu bushir. (Nisungi alima ajak ajangzüker, pei tanela madokra pai kechi ajangzüktsü mesüra nisungi pei tanela melen kechi agütsütsü? Mt 16:26.
(Arogo asoshi shibai taküm tenla agütsütsü?)