Khristan aria bilemba -Luke 10: 29-37

Khristan yimsüji Nazaret nung Yisu taküm aser Pa tenzükba mapa nung angur. Pa nübur den tesendaktepji timtemer atema aria bilemba mulungsentsü liasü. Pai kecha telemdang makai timtemertem den ka aküm. Shiba kü nütsüng kümner, pai kasa aria bilembaji sayutsüla ta Yisui nütsüngtem dang sayu.
Shidakba nung Yisui asenok dang Tsüngrem den sendaktepa alitsü sayu. Tangar dang taochi mesayutettsüba kati Tsüngrem nungi taochi angutsü makok ta  Yisui sayu. Asen kiyonger dang tesülen shitsübaji Tsüngrem dang tesülen shitsüba den kasa lir.
Tatem obendangba nung taochi jagi jenjangji bendangtsü ta Yisui ashi. Khristan ka asoshi temenen lendongji makamait lima nung alibaji lir aser ibaji noktangtsüla.
Ya bilemdangang: Nai kibong nem koma angatetdaktsür? Na kiyonger tesendaktep junga lir ma? Yimsü balaka amanger den koda lir? Tajung Samaria nunger o entepba nung Yisui tetuyuba ka agüja lir: “Oang aser yamaji inyakang.” Nai tangar dang yamaji inyaktettsü asü ?