Khristan aser Alima – Mathi 9:9:13

Kodang Yisui, “Kü sülen arung” ta aja shirnoki langzür parnok kija taküm nung temelenshi ka akatsü Yisui ashir. Yisu sülen anidakba nung mapang ka dena lir, menden nung, mulungsentsü nung aser tesendaktep nung melenshiba mapang. Kati alimaji tesatemba tuluba angur, meimchir ajak lungjema alitsü aser meimchir alizüng kechi aji angatetta akümer, aser tamang ulushia akümer.
Asenok dak alima ajak ayimjemtsüsa tekolok maten. Temelenshiba putu den putepa aotsü asoshi mapang nüngdaker. Aji saka asenoki Yisu tesayuba aser pa taküm tatishitsü tamang katetta anidakra asenoki asen shidak ayakji angatettsü. Asenoki, Tsüngremi alima oda meim nung … tetezü tali-tali angatetta akümdang asenoki, “Onok, alima nübur!” ta tali jangjaa shitettsü.
Item ya shisadangang: “Alima” tetezü kechi? Kati “alimaji” koda meimtsü akok. Kodang “alima” indang jembir koda nükjitong tejangja aser takang iba asoshi ayutsü? Telok nung dena aliba kiyonger meimtsü nai timtema bilemer asü? Meimchir kin jurila akümtsü nai koda bilemer?
Sarasadem: Ne kilir nem ne tashi agüjang, aser ne kilitsür chir kümzükang. T.Ken 86:16.
Tenangzükba: Kibuba pei nübur nem tashi agüjang. T.Ken 29:11