Khristan lenirtem tali kümdangshia alitsüla: Keney

October 08, 2019 anogo Discipleship Bible College, Dimapur nung M.Div. Correspondence Programme cum Alumni meet agidang K. G. Kenye aser sentong nung adenertem külemi tangokba noksa nung angur.

Kohima, Mongputeni/Oct. 09 (TYO): Yimtenren tsütsü tensa tasen ka nung alidang Khristan lenirtem tali kümdangshia alitsüla, ta Rajya Sabha MP, KG. Keney-i ashi.
Mt. Miracle, Angami Signal Bosti, Dimapur nung Discipleship Bible College indang M.Div Correspondence Programme cum Alumni sentong ka October 08, 2019 anogo lapoktsüba mapang Nagaland nungi Rajya Sabha züngsem-i ashiba agi, asen Naga nungertemi tensa aser timtem jenti ajangshiogo aser tanga asüng kechi tia ajurutsüar memetetba tia ka nung lir, anungji Theology azünger, Missionary aser Arogo lenirtemi bendanga agüja sarasademtsüla, aji asünung dang Tsüngremi asen Naga nunger nem kechi rizüngja ali, ibaji mapang shidak nung angutsü.
Asenok Khristan state ka ta asüba nung nüma adanger, saka asen libaliru ajanga Khrista-i sayuba kuli süa khuret tali abentsüla, kechiaser temeket nung alirtemi Khristan state ka koma ali ta repranga, shisadanger aser asadanger, ta paisa iba sentong nung ashi.