Khristan school tsürtem chioktsü atema Nigeria-i Islamic den jembidar

January 18, 2017: Chibok nung Islamic kiralongrartemi Khristan school nung azünger tetsür 200 dak tema pua aliba chioktsü atema Nigeria sorkari kiralongrartem denji jembidar, ta osang ka ajanga metetdaktsü.
Tetsürtem chiokdaktsütsü atema maneni meranga inyakdar, ta Nigeria sorkari metetdaktsü.
Iba tensa atema tim ketdangsertemi junga meinyakba atema Africa nung aliba linük, Nigeria nung nüburtem terasaba kümdar.
2014 küm April ita nung Boko Haram kiralongrartemi Borno State kübok, Chibok jila nung tetsürtem school kati arua tetsürtemji apu; iba sülen ita ishika tsüngda tetsür 60 bo jentet.
Iba sülen tetsür karbo chiok. 2016 küm May ita nung kiralongrar ka den tanur benokba tetsür ka angu.
Osang ka ajanga angazükba agi, Nigeria tepuokdak nungi lenirtem kar chiokdaktsütsü atema Boko Haram-i tetsürtemji kar amshitsü meranger.
Tang tashi nungbo Nigeria sorkari paroki bushiba maparen indang memetetdaktsür saka, tetsürtemji chioktsü atema kiralongrartem den telemtetba ka dangi arutsü, ta metetdaktsüogo.
Information & Culture Minister, Lai Mohammed-i, tawa Boko Haram kiralongrartem den senden ka takok ngua menogo, ta ashi.