Khristan Tekülem – Mathi 4:1-11

Yihuda nunger yimsü nung lenir tulu kati Yihuda nunger aser khristantem kasa tekülem nung tajangzük anguba ajitetba ka yamai ashi: “Nisungi Tsüngrem indang bilema malitsü akok, saka Tsüngremi nisung atema kanga bilemtsür”. Ibai bushitettsü tatempangba lemangji tekülembaji lir kechiaser tekülembaji taküm aliba lemang ka lir. Tsüngrem tesangwa nung alimaji anguba lemang ka.
Koba yimya nung chichiba Khristan tekülem yimyaji sayur? Putu ajak nung, mapa ana maneni külemi alir. Itemji sayutsüngiba aser oji angashiba, aser Kibuba Benjung agiba. Parnok inyakba yimya balala süaka, ka jembir aser ka mapa agi sayur, saka itemji mapabo kasadang. Anapronglai Khristai alangzükba taochi osangtajung ain aser sentsüwangshi nung sangdonger.
Anungji ozüngji odang lir. “Nai Kibuba ne Tsüngrem külemang”. Kechiba? Tekülemji Khristan kija takümi Tsüngrem yimli nung shilem agia adenba lir. O ka nung, yangi asen tekülemji, kotak nung külemba tashi mait ongmedang dang lir.
Itemi shisadangang: Tang nai Tsüngrem mebilemer mesüra shinga mebilemer ta bilemer asü? Iba tebilemtsü aneptsü asoshi nai kechi merangdanger? Tembartem den jembir asü? Counselors den jembir asü? Tsüngrem den jembitsü koda? Ne taküm nung tekülem nem mapang agüja ali asü mali?
Sarasadem: Kü tanela nok nungi kümzükang, kü taküm azü tashi nungi kümzükang. Molusongzü bang nungi kümzükang; arem nashi pungchi nungi Nai kümzükang.
Telangzüba: Aser tesüneptsüba Tsüngremi nenok tetsüng kübok Satan ajemshitsü.