Khristan telok Selah-i Las Vegas atema video ka saya

Las Vegas, October 6 (Agencies): Deobarnü Las Vegas nung nisung aika khasetba sülen Khristan kentener telok Selah-i “Lord, I Trust You” ta ser ken video tasen ka tasürtem aser takoksa angurtem asoshi sayatsüogo.
“Iba hopta temenen mapa tulu inyakba asen tenük agi nguogo. Iba lendong nung tasürtem aser takoksa ajururtem atema onoki kanga sasa bilemtsür” ta Selah-i Facebook nung video sayadang metetdaktsü.
“Parnok taküm joko akhi ama masütsü. Asenoki khenkhen kechiba ataloker’ar mangateteter saka asenok den Tsüngrem lir ta teimla nung soter. Tsüngrem Las Vegas den lir aser Pa dang nungi taneptsü angutsü atema temulung alemer” ta Selah-isa metetdaktsü.
Deobar aonung Las Vegas nung aliba Mandalay Bay Hotel nungi nisung kati kenten sentong nung adenertem dak injang khaloktsü. Iba lendong nung nisung 59 khaset aser 500 dak tema yiru.
Route 91 Harvest Festival nung country kentener Jason Aldean-i ken pungubaba atendang lendongji atalok.
Selah teloki tayongzükba o den külemi parnok indang tesübuba kensep nungi “Lord, I Trust You” ken indang video lemsatep.