Khristantem anema inyakba aitsür: NPP Nagaland

Dimapur, December 22 (TYO): BJP-i sorkar kümteta aliba state tem – Haryana, Madhya Pradesh aser Rajasthan nung Khristantem dak aser Khristan rejutem anema mapa inyakba khukhua aitsür, ta National People’s Party (NPP) Nagaland-i metetdaktsü.
Ozüng alema mapa inyakba aser Yisu Khrista asoba benjung memungdaktsütsü asoshi inyakba mapatem ya magizüker. Iba ajanga linük nung telemsa tali adokdaktsür aser ibaji India Linük Temzüng nung lateta aliba temzüngtem atema lendong bentsür arutsü, ta Secretary IPR Nagaland State, Limanuksung Longkumer-i sangdong ka nung ashi.
NPP Nagaland-i NBCC, Nagaland nung local arogotem aser tangatetba shitak aliba sensotemi Khristantem anema inyakba mapatem khukhua aitsütsü ayongzüker, ta paisa shisem.